Հրավեր՝ ռազմավարական պլանավորման աշխատաժողովի կազմակերպման ծառայությունների գնային առաջարկ ներկայացնելու համար

Մրցույթի ծածկագիր՝ GTRP-PO-30/08/2026-01

Տրանս անձանց իրավունքների պաշտպանության գլոբալ հիմնադրամը հայտարարում է գնային առաջարկների ընդունում՝ Հիմնադրամի թիմի համար նախատեսված ռազմավարական պլանավորման աշխատաժողովի կազմակերպմանն առնչվող հյուրանոցային և միջոցառումների սպասարկման ծառայությունների ձեռքբերման նպատակով։

Աշխատաժողովի ընդհանուր նկարագիրը

Աշխատաժողովը նախատեսված է 10 անձի մասնակցությամբ և կազմակերպվելու է 2026 թվականի սեպտեմբերի 2–5-ը։

Մասնակիցների ժամանումը նախատեսվում է սեպտեմբերի 2-ին, իսկ մեկնումը՝ սեպտեմբերի 5-ին։

Անհրաժեշտ ծառայությունները

Հիմնադրամը դիտարկում է այն առաջարկները, որոնք հնարավորություն կտան մեկ փաթեթի շրջանակում կամ փոխկապակցված ծառայությունների միջոցով ապահովել միջոցառման կազմակերպումը։

Մասնավորապես անհրաժեշտ է ապահովել՝

10 մասնակցի կեցություն սեպտեմբերի 2-ից մինչև սեպտեմբերի 5-ը, (3 գիշեր)
աշխատանքային հանդիպումների համար հարմար և առանձնացված դահլիճ,
աշխատաժողովի օրերի ընթացքում մասնակիցների սնունդ և սուրճի ընդմիջումներ,
մասնակիցների երկողմանի փոխադրում,
աշխատանքային գործընթացի համար անհրաժեշտ տեխնիկական միջոցներ և կայուն ինտերնետ կապ։

Դահլիճը պետք է հնարավորություն տա կազմակերպելու ինչպես ընդհանուր քննարկումներ, այնպես էլ խմբային աշխատանքներ։

Ի՞նչ պետք է ներառի առաջարկը

Համեմատելի և թափանցիկ գնահատում իրականացնելու նպատակով խնդրում ենք գնային առաջարկում առանձին ներկայացնել՝

կեցության առաջարկվող տարբերակը և արժեքը,
սենյակների տեսակը և քանակը,
սննդի և սուրճի ընդմիջումների առաջարկվող տարբերակներն ու արժեքները,
դահլիճի օրական արժեքը և տրամադրվող պայմանները,
առաջարկի մեջ ներառված տեխնիկական միջոցները,
փոխադրման ծառայության արժեքը, եթե այն առաջարկվում է,
այլ լրացուցիչ ծառայությունները և դրանց արժեքները,
ամբողջ փաթեթի վերջնական արժեքը։

Ներկայացված գները պետք է ներառեն կիրառելի հարկերը և պարտադիր վճարները։ Խնդրում ենք նաև նշել վճարման պայմանները և առաջարկի գործողության ժամկետը։

Ծառայություն մատուցողին ներկայացվող պահանջները

Հիմնադրամը նախապատվություն կտա այն կազմակերպություններին և անհատ ձեռնարկատերերին, որոնք ունեն հյուրանոցային կամ միջոցառումների սպասարկման համապատասխան փորձ և կարող են ապահովել առաջարկվող ծառայությունների պատշաճ որակն ու ժամանակին մատուցումը։

Ծառայություն մատուցողը պետք է ունենա գործունեության համար անհրաժեշտ գրանցում և հարկային կարգավիճակ։

Հիմնադրամի գործունեության բնույթից ելնելով՝ առանձնահատուկ կարևորություն ենք տալիս անվտանգ, հարգալից և խտրականությունից զերծ միջավայրի ապահովմանը։ Ընտրված ծառայություն մատուցողից ակնկալվում է հավասար և արժանապատիվ վերաբերմունք բոլոր մասնակիցների նկատմամբ՝ անկախ նրանց սեռական կողմնորոշումից, գենդերային ինքնությունից կամ արտահայտումից և այլ անձնական հատկանիշներից։

Առաջարկների ընտրությունը

Առաջարկները դիտարկելիս Հիմնադրամը հաշվի կառնի ոչ միայն ընդհանուր գինը, այլև՝

առաջարկի համապատասխանությունը միջոցառման պահանջներին,
կեցության և աշխատանքային պայմանների որակը,
առաջարկվող ծառայությունների ամբողջականությունը,
ծառայություն մատուցողի համապատասխան փորձը,
անվտանգության և ներառական միջավայրի ապահովման հնարավորությունը,
գնի և առաջարկվող ծառայությունների որակի հարաբերակցությունը։

Հիմնադրամը պարտավորված չէ ընտրել նվազագույն գին առաջարկած մասնակցին և կարող է չընտրել որևէ առաջարկ, եթե ներկայացված տարբերակները չեն համապատասխանում միջոցառման պահանջներին կամ հասանելի ֆինանսական միջոցներին։

Առաջարկների ներկայացում

Գնային առաջարկը խնդրում ենք ուղարկել՝ [email protected] հասցեին։

Նամակի թեմայում խնդրում ենք նշել՝
«Ռազմավարական պլանավորման աշխատաժողով – գնային առաջարկ»։

Առաջարկների ընդունման վերջնաժամկետն է՝ օգոստոսի 31-ը 2026 թ., ժամը 13։00-ն։

Հարցերի կամ լրացուցիչ պարզաբանումների համար կարող եք կապ հաստատել Հիմնադրամի հետ՝
Էլ. փոստ՝ [email protected]
Հեռախոս՝ +37494090203

Տրանս անձանց իրավունքների պաշտպանության գլոբալ հիմնադրամ